Астана маңындағы Ильинка елді мекенінде екі қабатты үйдің бірі өртеніп кетті. Түгі қалмай өртенген үйде Құран кітабы ғана жанбай қалған, деп хабарлайды Stan.kz.
Бұл жайтты куәгерлердің бірі видеоға түсіріп, желіге жүктеді.
«Үйдің екі қабаты да өртеніп, түгі қалмай жанып кеткен. Тек Құран кітаптары ғана аман қалыпты. Көрдіңіздер ме? Құдайдың құдіреті. Алланың сөздері, кітаптың іші-сырты сау. Үйдегі басқа құжаттар мен техникалық құралдардың бәрі өртеніп кеткен», – дейді ол.
Видео қыс мезгілінде түсірілгендіктен оқиға жақын уақытта болған деп топшылауға болады.
