ҚР Президенті Нұрсұлтан Назарбаев РФ Президенті Владимир Путинге көңіл айту жеделхатын жолдады. Бұл туралы Ақорданың ресми сайтына сілтеме жасап Zakon.kz хабарлайды.
Мемлекет басшысы Мәскеу облысындағы Ан-148 жолаушылар ұшағының апатқа ұшырап, жолаушылардың қаза болғаны туралы қаралы хабарды үлкен қасіретпен қабылдады.
«Қазақстан халқының атынан және өзімнің атымнан қайтыс болғандардың отбасыларына, туыстары мен достарына көңіл айтамын», - делінген жеделхатта.
Естеріңізге сала кетейік, 11 ақпанда «Домодедово» әуежайынан ұшып шыққан ұшақ апатқа ұшырады. Ұшақ бортында 65 жолаушы және экипаждың 6 мүшесі болған. Олардың бәрі қайтыс болды.
Барлық жаңалықтарды осы сілтемеден оқыңыздар