Университетте биология пәнінен дәріс тыңдап отырған қыз “әке” деп жүрген адам туған әкесі емес екенін біліп қалды. Қыздың қан тобы әкесінікімен сәйкес келмеген. Бұл туралы қыздың курстасы Аня Хеттич Twitter желісіндегі парақшасында жазды, деп хабарлайды Sn.kz.
АҚШ-та студент қыз дәріс тыңдап отырып өзінің қан тобы неге әкесінікімен сәйкес келмейтінін түсіне алмады.
“Ол ата-анасының қан тобы өзінікімен сәйкес келмейтінін айтып, профессордан бұл туралы сұрады. Әкесінікі – I топ, анасының қан тобы – II, ал қыздың қан тобы -ІII болып шықты”, – деп жазды қыздың курстасы.
Оқытушы болса, олай болуы мүмкін емес екенін айтып, дәрісін жалғастыра берген.
Анықтай келе, қыздың анасы өгей ағасымен бірге әкесінің көзіне шөп салғаны белгілі болды.
“Ол өмір бойы ағасын әке деп келген. Анасы 21 жыл бойы шындықты жасырып келген. Енді олар ажырасайын деп жатыр”, – деген Хеттич.