Боксшы Геннадий Головкин танымал америкалық актер әрі продюсер Марк Уолбергпен кездесті. Кездесу жайлы GGG өзінің желідегі парақшасында жазды, деп хабарлайды Stan.kz.
Геннадий Головкин голливуд жұлдызына қазақтың ою-өрнегі бар қолғап сыйлап, қолтаңбасын берді.
«Сені көргеніме қуаныштымын. Чемпион әрі нағыз адам Марк», – деп бөлісті Головкин.
Айта кетейік, былтыр Головкин мен Альварес кездесуінен кейін Уолберг отандасымызға қолдау білдірген болатын.
«GGG жеңіске жетті. Нашар шешім, бірақ бокс үшін реванш алудың таптырмас мүмкіндігі», – деп жазған еді актер.