2 наурызда сағат 08.41-де Қызылқұйған ауданындағы Қарабатан электрстансасының газқұбыры құрылыс алаңындағы контейнер тұрпатты жатақханасында өрт шықты, деп хабарлайды Вnews.kz ҚР ІІМ ТЖК ресми өкіліне сілтеме жасап.
Өрт кезінде жатақханада жұмысшылардың түңгі кезегі – шамамен 20 адам болған, оның алтауын күйік шалып Атыраудағы облыстық ауруханаға жөнелтілді. Өрт орнында алты адамның денесі табылды. Қызыл жалын 500 шаршы метр аумақты шарпыған. Өрт сағат 10.25-те ауыздықталып, сағат 10.45-те толығымен өшірілді.
Өрттің себептері анықталуда. Өртпен күреске Атырау облысы өрт сөндіру қызметінің 11 қызметкері мен 3 бірлік техника жұмылдырылды.