Павлодарлық полицейлер суицид оқиғасының себеп-салдарын анықтап жатыр, деп хабарлайды «ҚазАқпарат» ХАА.
«Оқиға 22 наурыз күні түнгі сағат 02.30 шамасында Қаратаев көшесіндегі көпқабатты үйлердің бірінде болған. Ішімдікке мас болған 22 жастағы келіншек күйеуімен болған отбасылық кикілжіңнен кейін өзін-өзі өлтіру мақсатында екінші қабаттан секіріп кетті»,-деп хабарлайды Павлодар облысы ІІД-нің баспасөз қызметі.
Терезеден секіріп жарақат алған Павлодар қаласының тұрғынын жедел жәрдем қызметі ауруханаға жеткізді. Қазір тәртіп сақшылары сотқа дейінгі тергеу жұмыстарын жүргізіп жатыр.