Қызылордада мас күйінде мүгедек анасын өлтірген азамат 17 жылға бас бостандығынан айырылды, деп хабарлайды Baq.kz ақпарат агенттігі.
Қызылорда облысының қылмыстық істер жөніндегі мамандандырылған ауданаралық сотынан хабарлағандай, сотталушы мас күйінде екінші топтағы мүгедек анасын балғамен басынан, кеуде тұсынан бірнеше рет ұрған. Алған жарақатының нәтижесінде кейуана көз жұмған.
Сонымен, соттың үкімімен сотталушы алдағы 17 жыл өмірін абақтыда өткізетін болды. Қылмыскер жазасын қылмыстық-атқару жүйесінің қауіпсіздігі барынша жоғары мекемесінде өтейді.