Арнаға хабарласқан Сарыағаш ауданы, Абай ауылының тұрғындары жергілікті жерде атыс болғанын айтып берген, деп хабарлайды Оtyrar.kz.
Сөздеріне сүйенсек, көрші ауыл тұрғындары бас араздық салдарынан бір-біріне оқ атқан. Атыс кезінде екі азамат жарақат алып, ауруханаға түскен.
Куәгерлердің сөзінше, қару атқан азаматтардың жасы шамамен 25-30-да. Сондай-ақ, бейресми мәліметтер бойынша, күдіктілер қамауға алынған. Бұл іске қатысы бар деген болжаммен үш азамат тергелуде. Ауылдықтар тәртіп сақшыларының күні-түні күшейтілген режимде жұмыс істеп жатқандарын жеткізді.
Ал құзырлы орган өкілдері көрші ауылдағы жігіттердің арасында болған атысты растап берді. Қазір оқиға орнында полицейлер тексеру жұмыстарын жүргізуде.