Қарағандыда валюта айырбастау бекетін тонап кеткен 2 қылмыскер іздестірілуде, деп хабарлайды Хабар 24.
Бұл туралы ҚР Ішкі істер министрлігіні департамент директоры Алмас Сәдубаев мәлімдеді.
«Өткен түнде Қарағанды қаласында валюта айырбастау бекетіне қарақшылық шабуыл жасалды. Бетперде киген екі адам ғимаратқа баса-көктеп кіріп, кассирді пышақпен қорқытып, 3 млн 900 мың теңге, сондай-ақ 950 доллар, 2 мың 650 еуро және 120 мың рубль алып кеткен. Күдіктілердің жеке тұлғасы анықталып, қазір ұрыларды ұстау шарасы жүріп жатыр», - деді Алмас Сәдубаев.