Оңтүстік Қазақстан облысында ауылдасын атып өлтірген Сарыағаш қаласының тұрғыны ұсталды. Бұл туралы ҚР ІІМ Мемлекеттік тіл және ақпарат департаментінің директоры Алмас Садубаев мәлім етті, деп хабарлайды ҚазАқпарат.
«Оңтүстік Қазақстан облыстық ІІД криминалдық полиция қызметкерлеріне 9 сәуір күні Сарыағаш қаласында кісі өлтірген күдіктіні ұстауға бір тәулік қана уақыт жеткілікті болды. Қазіргі уақытта күдікті кінәсін мойындап, жауап берді», - деді департамент басшысы.
Айта кетейік, кеше Оңтүстік Қазақстан облысында көрші ауылдың азаматын атып тастаған Сарыағаш қаласының тұрғынына іздеу жарияланғанын хабарлаған болатынбыз.