Атырауда түтінге уланған 3 жасар бала көз жұмды, деп хабарлайды «ҚазАқпарат» тілшісі.
«Жер үйдегі өрт кезінде 3 жастағы ұл бала түтінге уланып,облыстық аурухананың жан сақтау бөліміне жеткізілді. Ыс тию салдарынан жағдайы күрт төмендеген баланың өмірін дәрігерлер сақтап қала алмады», - деп хабарлайды облыстық денсаулық сақтау басқармасының баспасөз қызметі.
Себептері әлі анықталмаған өрт сәуірдің 16 күні болған.
