ҚР Сыртқы істер министрлігі МГИМО-ның қайтыс болған 21 жастағы студентінің мәйітін Қазақстанға жеткізуге көмектеседі, деп хабарлайды Zakon.kz.
«Мәскеудегі біздің дипломаттарымыз таңертеңнен бері қыздың ата-анасының қасында болды, Қазіргі кезде олар мәйітті Қазақстанға жеткізу мәселелерін шешіп жатыр, және туыстарына барлық қажетті көмекті көрсетеді», - деді ҚР Сыртқы істер министрлігінің ресми өкілі Әнуар Жайнақов.
«Мен сіздергеге нақты мәлімет бере алмаймын, тергеу жалғасуда. Аяқталған кезде біз қосымша ақпарат бере аламыз деп ойлаймын», - деді ол.
Еске салайық, бүгін оның қайтыс болғандығы белгілі болды. Қыз Астана уақытымен сағат 7.00-де көз жұмды.
Сәуір айында МГИМО ғимаратының төртінші қабатының терезесінен студент құлап кеткен соң тергеушілер қылмыстық іс қозғаған.
Құлағаннан кейін ол ауруханаға жеткізілді. Дәрігерлер қыздың жағдайын ауыр деп бағалады.