Солтүстік Қазақстан облысы әкімдігінің мемлекеттік сәулет-құрылыс бақылауы және лицензиялау басқармасының басшысы ұсталды, деп хабарлайды Zakon.kz Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап.
"25 сәуірде СҚО Мемлекеттік қызмет істері және сыбайлас жемқорлыққа қарсы іс-қимыл агенттігінің сыбайлас жемқорлыққа қарсы Ұлттық бюро Департаменті Солтүстік Қазақстан облысы әкімдігінің мемлекеттік сәулет-құрылыс бақылауы және лицензиялау басқармасының басшысын пара алып жатқан жерінде ұстады. Ол 300 мың теңге параны тексеріс бойынша оң қорытынды беру үшін заңды тұлғаның өкілінен алған" - делінген хабарламада.
27 сәуірде сот санкциясымен күдікті қамауға алынды. Сотқа дейінгі тергеу жүріп жатыр.