Шығыс Қазақстанда мыңдаған сауда орталығы мен білім беру ошақтарында өрт қауіпсіздігі шаралары сақталмаған, деп хабарлайды Хабар 24.
Бұл туралы Төтенше жағдай департаменті мамандары жүргізген арнайы рейд барысында белгілі болды. Ал тәртіпке бағынбағандарға 1 млн теңгеден аса айыппұл салынды. Жалпы облыстағы 97 сауда нысаны өрт қауіпсіздігі қызметінің бақылауында тұр.
– Негізінен эвакуациялау жолдарын бөгеу сияқты олқылықтар кездеседі. Сауда жабдықтарын дұрыс орнатпау салдары өртке себеп болуы мүмкін. Эвакуациялық есіктерді жауып тастайтындары бар. Жасалған ескертулерден қорытынды шығарып жатқандар бар, - дейді облыстық ТЖД басқарма басшысының орынбасары Ринат Қондыбаев.
