Tesla екі қозғалтқышы бар толық жетекті Model 3 жасап шығармақ. Бұл туралы компанияның басшысы Илон Маск өз Twitter-інде жазды, деп хабарлайды Вaq.kz.
Оның айтуынша, мұндай автокөлікпен жүрудің өзі - ғанибет. Tesla-ның толық жетекті Model 3 сағатына 96 километрге жүру үшін 3,5 секундта іске қосыла алады. Максималды жылдамдығы сағатына - 250 километр. Ал аккумулятордың қуаты 500 километрге дейін жетеді.
Мотордың біреуі көліктің алдыңғы жағында, екіншісі артқы бөлігінде орналасқан. Толық жетекті Tesla 78 мың доллар тұрады.