АҚШ президенті Дональд Трамп солтүстіккореялық әріптесі Ким Чен Ынмен кездесуден бас тартуға дайын. Бұл туралы вице-президент Майк Пенс Fox News телеарнасына берген сұхбатында айтты, деп хабарлайды Вaq.kz.
«Ким Чен Ын Трамппен ойнағысы келсе, онда бұл үлкен қателік болар еді», - деді вице-президент.
Ал, Вашингтон Пхеньянмен саммитті өткізбей қоя алады ма деген сұраққа «Бұл да сұрақ болып па ?» деп жауап қайтарды.
Айта кетсек, АҚШ-КХДР саммиті 12 маусымда Сингапурде өтеді деп жоспарланған. Бірақ 16 мамырда Пхеньян саммитке қатысу жағын қайта қарастыруы мүмкін деген мәлімдеме жасады. Солтүстік Корея ядролық қарудан біржақты тәртіппен шыққысы келетін елмен келіссөз жүргізгісі келмейді.