Есік аудандық ауруханасында менингитпен ауырған екі адам сауығып кетті, деп хабарлайды Zakon.kz ҚР Денсаулық сақтау министрлігінің баспасөз қызметіне сілтеме жасап.
Кеше, 5 маусымда, ҚР Денсаулық сақтау министрі Елжан Біртанов Алматы облысының Есік қаласының аудандық ауруханасында болды. Аурухананы тексеру барысында, министр қабылдау бөлімінің, фильтр бөлмесі мен жұқпалы аурулар бөлімінің жұмысымен танысты, сондай-ақ министр менингитпен ауырған науқастардың жағдайын жеке өзі тексерді.
Емдеуші дәрігердің мәліметінше, науқастар хаттамаға сәйкес барлық қажетті көмекті алған. Қазіргі кезде науқастардың жағдайы жақсарған.
