Трамп пен Ким Чен Ын тарихта алғаш рет кездесті, деп хабарлайды Хабар 24.
Сингапурдың Сентоза аралындағы Capella қонақ үйінде АҚШ президенті Дональд Трамп пен Солтүстік Корея басшысы Ким Чен Ынның кездесуі Астана уақытымен 07:04-те (АҚШ-тағы уақыт 21:04) басталды.
Бір-бірін алғаш рет көріп тұрған қос ел басшысы іркілместен қол алысты.
Айта кету керек, қол алысу кезінде Трамп Ким Чен Ынға қарап тұрып, ұзақ сөйледі. Бірақ Солтүстік Корея басшысы ләм-мим деместен одан көз алмастан тұра берді.
