Оралда пышақ жарақатынан екі адам ауруханаға түсті. Олардың бірі жансақтау бөлімінде жатыр, деп хабарлайды ҚазАқпарат тілшісі.
Оқиға кеше таңертең «Құрылысшы» шағынауданында болды.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 09.12-де шақыртылған.
Оқиға салдарынан 1999 жылғы тұрғын кеуде тұсынан ашық пышақ жарақатын алған. Қалалық көпбейінді ауруханасына жеткізілген оған ота жасалды, қазір жансақтау бөлімінде. Сондай-ақ 1997 жылғы жігіт сол жақ жамбасынан пышақ жарақатын алған. Ол алғашқы медициналық көмектен кейін амбулаторлық емдеуге жіберілді.
Полицейлер оқиғаның жай-жапсарын анықтау үстінде.