Алматыда Рысқұлов даңғылының бойында Жансүгіров көшесіне жетпей үш көлік соқтығысты, деп хабарлайды Zakon.kz.
Куәгерлердің айтуынша, Volkswagen Passat пен ГАЗель көлігі шығыс бағытта жүріп келе жатқан. Олардың артында Foton жүк көлігі келе жатқан. Бір сәтте ГАЗель "қытайлық" көліктің алдына шығады, Foton көлігі оны артынан келіп соғады. Соққының салдарынан ГАЗельді Passat көлігіне лақтырып жібереді.
Foton көлігінің кабинасы қатты зақымданып, жүргізушіні қысып қалған. Ер адам көліктен шығарылып, ауруханаға жеткізілді.
Апат салдарынан Рысқұлов даңғылының бойында екі бағытта да жол кептелісі орын алды.