Құлжа тас жолында төтенше жағдай орын алды, салдарынан екі адам қайтыс болды, деп хабарлайды Zakon.kz тілшісі.
Оқиға «әуежай» айналымы мен мен «Красный поле» арасында болды. Nissan Primera көлігі қалаға қарай бағыт алған, көліктің үстіне ескі құрғақ ағаш құлап түскен.
Ағаштың ауыр діңгегі көліктің төбесін жұлып түсіп, жүргізуші мен жолаушыны басып қалды. Екеуі де оқиға орнында көз жұмды. Көлік серпінмен 200 метрдей жүріп өтіп, жолдан шығып кетіп, ағашқа соғылған.
Оқиға орнында полицейлер мен басқа да жедел қызмет көрсету өкілдері жұмыс істеді.