2018 жылғы мамырда Ұлттық Банктің жалпы халықаралық резервтері алдын ала деректер бойынша 31,2 млрд АҚШ долларына дейін 0,5%-ға немесе 168 млн АҚШ долларына төмендеді (жыл басынан бері 1,4%-ға немесе 426,9 млн АҚШ долларына өсті), деп хабарлайды Zakon.kz ҚР Ұлттық банктің баспасөз қызметіне сілтеме жасап.
Жалпы алғанда, елдің халықаралық резервтері Ұлттық қордың шетел валютасындағы активтерін (59,2 млрд АҚШ долл.) қоса алғанда, 2018 жылғы мамырдың соңында 90,4 млрд АҚШ доллары болды.
Үкіметтің Ұлттық Банктегі шоттарына валютаның түсуі Ұлттық қордың активтерін толықтыру, Үкіметтің сыртқы борышына қызмет көрсету бойынша операциялармен ішінара бейтараптандырылды. Бұдан басқа, банктердің корреспонденттік шоттарындағы шетел валютасындағы қалдықтары төмендеді.
Ақша базасы мамырда 0,3%-ға тарылды және 4 787,6 млрд теңге болды. Тар ақша базасы, яғни екінші деңгейдегі банктердің Ұлттық Банктегі мерзімді депозиттерін есептемегендегі ақша базасы 4 509,9 млрд теңгеге дейін 1,7%-ға төмендеді.
Мамырдағы ақша массасы алдын ала деректер бойынша 0,5%-ға тарылды және 18 836,9 млрд. теңге болды, айналыстағы қолма-қол ақша 1 940,7 млрд теңгеге дейін 2,9%-ға ұлғайды.