Грекияның бірнеше қаласы толассыз жауған жауын салдарынан су астында қалды, деп хабарлайды Хабар 24.
Айтпай келген апаттың залалы әсіресе Афинаның солтүстік-шығысында орналасқан Мандра қаласына қатты тиді. Шаһарды лай су басып, бірнеше жол торабы жабылды. Елдің орталығы мен солтүстік бөлігінің тұрғындарына ауа райының қолайсыздығынан туындаған қиындықтармен күресуге тура келді. Халкидики түбегіндегі Ситония муниципалитетінде де ғимараттар топан су астында қалып, автокөліктер қозғалыссыз қалды.
Табиғи апаттан зардап шекендер жайлы әзірге нақты ақпарат жоқ.
Мемлекеттің Ұлттық метеорологиялық қызметі қауіптің қызыл деңгейін жариялады.