Қазақстанда 1 қыркүйектен бастап жаңа ойын-сауық арнасы Tamasha tv ашылады, деп xабарлайды Today.kz “Қазақстан” телерадиокешенінің xабарламасына сілтеме жасап.
Телеарна орта есеппен 22 сағат қосулы тұрады.
Арнада телерадиокешеннің өз өнімдері көрсетіледі. Көрермен “Әзіл әлемі", "Жайдарман", "Хаха-шоу", "Әзіл man", "Көңілді тапқырлар алаңы", "Қызық екен" сияқты бағдарламалар мен мұрағаттағы танымал өнімдерді тамашалай алады.
"Жаңа телеарна отандық телевидениеде ойын-сауық бағдарламаларын көбейту мақсатында ашылды. Алдын ала жасалған сараптама осындай арнаға деген үлкен сұранысты көрсетті", – делінген корпорация xабарламасында.
Tamasha tv-дің директоры болып Есен Елеукен тағайындалды.
Арна OtauTV мен iDTV-де HD форматында көрсетіледі.
