Қазақстанның басым бөлігінде ауқымды антициклон ықпал етеді, сондықтан ауа райы жауын-шашынсыз болады, деп хабарлайды Zakon.kz Қазгидрометке сілтеме жасап.
Тек еліміздің солтүстік-батысы мен қиыр солтүстік аумағында төмен қысым әсерінен аздаған жаңбыр күтіледі. Кей жерде жел соғады, оңтүстікте шаңды дауыл тұрады. Түнде және таңертең кей жерлерде тұман күтіледі.
Республикасының солтүстігінде, солтүстік-батысында, шығысында және орталығының кей жерінде түнде және таңертең үсік жүреді.
Солтүстік Қазақстан, Павлодар, Қарағанды, Шығыс Қазақстан облыстарында түнде және таңертең, Ақтөбе облысының кей жерінде тұман күтіледі.
Түркістан, Маңғыстау облыстарының кей жерінде желдің жылдамдығы 15-20 м/с-ға дейін күшейеді.
Жамбыл облысында кей жерде тұман түседі, желдің жылдамдығы 15-20 м/с-ға дейін күшейеді.
Қостанай облысының кей жерінде тұман, күндіз желдің жылдамдығы 15-20 м/с-ға жетеді.
Қызылорда облысында таңертең және күндіз кей жерде шаңды дауыл тұрып, желдің жылдамдығы 15-20 м/с-ға дейін күшейеді.
Қызылорда, Түркістан облыстарында, Жамбыл, Атырау, Батыс Қазақстан, Маңғыстау, Ақтөбе және Қарағанды облыстарының кей жерінде жоғары өрт қаупі сақталады.
Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей жерінде түнде 1-2 градус үсік жүреді.
