Елбасы Нұрсұлтан Назарбаев Қазақстанды экономикалық, әлеуметтік-гуманитарлық дамытуда үздік жетістікке жеткен қызметкерлерді ҚР мемлекеттік наградаларымен наградтау туралы Жарлыққа қол қойды, деп хабарлайды Ақорданың ресми сайты.
Zakon.kz ХАА құжат мәтінін оқырман назарына ұсынады.
***
Қазақстан Республикасының мемлекеттік наградаларымен наградтау туралы
ҚАУЛЫ ЕТЕМІН:
1. Қазақстан Республикасын экономикалық, әлеуметтік-гуманитарлық дамытудағы аса үздік жетістіктері, белсенді қоғамдық қызметі үшін: жоғары дәрежелі ерекшелік белгісі - "Қазақстанның Еңбек Ері" атағы беріліп, айрықша ерекшелік белгісі - Алтын жұлдыз бен "Отан" ордені тапсырылсын: Бәйменова Құралай Базарбайқызы - "Ақтөбе қаласы сал ауруына шалдыққан азаматтарды қолдау орталығы" ҚБ төрайымы Дөненбаев Сайрамбай Әліқұлұлы - "Шәушен" ШҚ басшысы, Жамбыл облысының Тұрар Рысқұлов ауданы Соловьева Алина Робертовна - "А.С.Пушкин атындағы № 1 мектеп-гимназиясы" КММ мұғалімі, Шымкент қаласы.
2.Осы Жарлық қол қойылған күнінен бастап қолданысқа енгізіледі.
Қазақстан Республикасының Президенті Н.Назарбаев
Астана, Ақорда, 2018 жылғы 5 желтоқсан
№ 798
