Қазақстанда бензин артығымен бар. Бұл туралы бүгін Үкімет отырысынан кейін БАҚ өкілдеріне ҚР Энергетика министрі Қанат Бозымбаев айтты, деп хабарлайды ҚазАқпарат.
"Қазақстанда бензиннің профициті байқалып отыр. Ол қаңтардан бері орын алуда. Қазірдің өзінде Шымкент мұнай өңдеу зауытының барлық резервуарның лық толу қаупі туындап тұр. Сондықтан мұнай өңдеу зауыттарына жүктемені төмендетті. Бүгінде бензин бағасы реттелмейді, литрі шамамен 150 теңге төңірегінде болады", - деді министр.
Бүгін Алматыдағы жанармай құю стансаларында АИ-92 маркалы бензиннің бағасы түскенін хабарлаған едік.