Өскеменде көшедегі оқушылардың телефонын алып қаша жөнелетін қылмыскер ұсталды, деп хабарлайды Алтайньюс тілшісі.
Оқиға былай өрбіген: қала тұрғыны әуелі телефон ұстап келе жатқан оқушыларға келіп, қоңырау шалуға өтініш білдіреді. Содан кейін әлдебіреуге қоңырау шалып, әңгімелескен адамның кейіп жасап тұрып, көпқабатты үйлердің арасына бой тасалайды.
Зардап шегушілердің шығыны 40 000 –нан 129 000-ға дейін жетті. Айта кету керек, ер азамат тіпті бір жолы өзін полиция қызметкері ретінде таныстырыпты.
Сот шешімі бойынша Өскемен тұрғыны айыпты деп танылып, 4 жыл 6 айға бас бостандығынан айырылды.