Ауа-райының қолайсыздығына байланысты Алматы облысында бірнеше тас жол жабылды, деп хабарлайды Zakon.kz облыстық ТЖД баспасөз қызметіне сілтеме жасап.
"ҚазАвтоЖол" ҰК АҚФ және Алматылық "ҚазАвтоЖол" ФБ ЖШС хабарлауынша, 6-ақпан күні сағат 12.54 бастап, ауа-райының қолайсыздығына байланысты (боран, көріністің мүлде нашарлауы), "Алматы-Үшарал" (Көктума аул.) (83-184 км), (Достық бекеті) республикалық маңыздылығы бар автожол барлық көлік құралдары үшін жабылды.
Сонымен қатар 6-ақпан күні сағат 15.20 бастап, ауа-райының қолайсыздығына байланысты (боран, көріністің мүлде нашарлауы), "Алматы-Өскемен" (482-558 км), (Көлбай аул. –Ушарал) республикалық маңыздылығы бар автожолмен жүк көліктеріне жүруге тиым салынды.
Бұдан бөлек, 6-ақпан сағат 09.30 бастап, ауа-райының қолайсыздығына байланысты (боран, көріністің мүлде нашарлауы), "Талдықорған-Қапал" (0-45 км) облыстық маңыздылығы бар автожол барлық көлік құралдары үшін жабылды.