19-ақпан күні Қазақстанның барлық аумағында атмосфералық фронттардың өтуіне байланысты тұрақсыз ауа райы болады, осыған байланысты жауын-шашын жауады, республиканың оңтүстігінің кей жерлерінде қатты жауын-шашын күтіледі. Кей жерлерде республика бойынша тұман, көктайғақ, бұрқасын күтіледі, жел күшейеді, деп хабарлайды Zakon.kz "Қазгидромет" РМК сілтеме жасап.
Ақмола, Солтүстік Қазақстан облыстарының кей жерлерінде тұман, көктайғақ күтіледі, желдің күшеюі түнде кей жерлерінде, күндіз басым бөлігінде 15-20, Ақмола облысында екпіні 25 м/с жетеді.
Қостанай, Павлодар, Қарағанды, Батыс Қазақстан облыстарының кей жерлерінде тұман, көктайғақ күтіледі, жел 15-23 м/с күшейеді.
Атырау, Ақтөбе, Шығыс Қазақстан облыстарының кей жерлерінде жаяу бұрқасын, тұман, көктайғақ күтіледі, желдің күші 15-22, Шығыс Қазақстан облысында күндіз екпіні 25 м/с жетеді.
Жамбыл, Түркістан облыстарының кей жерлерінде тұман, көктайғақ күтіледі, жел 15-20, Түркістан облысында күндіз екпіні 25 м/с жетеді.
Қызылорда облысының кей жерлерінде тұман, көктайғақ күтіледі, түнде басым бөлігінде жел 15-20, екпіні 25 м/с, күндіз кей жерлерде 15-20 м/с күшейеді.
Маңғыстау облысының кей жерлерінде бұрқасын, көктайғақ күтіледі, жел 17-22 м/с күшейеді.
Алматы облысында кей жерлерде тұман, көктайғақ күтіледі.