Венесуэла президенті Николас Мадуро миллиондаған долларлық мемлекеттік қаражатты Nurlan Baidilda Ltd қоры басқаратын шоттарда ұстайды, деп хабарлайды Zakon.kz Total.kz-ке сілтеме жасап.
Bloomberg мәліметінше, Nurlan Baidilda Ltd қоры қалталы адамдардың инвестицияларын басқарумен айналысады. Оның қожайыны Қазақстанның тумасы, қазір Ресей азаматы.
"Ұлттық кеңес былтыр басталған тергеу барысында активтерді тауып алды. Енді оны қайтаруға тырысуда. Венесуэланың уақытша үкіметі Мадуроның қаржылық келісімшарттарын қайта қарастыруда. Халықтан ұрланған ақшаның қайда бағытталмақ болғанын анықтау керек", — деді Ұлттық кеңес басшысы үшін АҚШ істеріндегі уақытша сенімді өкілі Карлос Веккио.
АҚШ президенті Дональд Трамп Мадуроға былтырдан бері қысымын күшейтіп, әлем бойынша есеп-шоттарын бұғаттап тастаған. Үкіметтік шенеуніктерге санкция салып, Гуайдоны президент деп таныды. Мадуро Трамппен күресуге ант беріп, бұл әрекеттер мені биліктен тайдыруға бағытталған деді.
Нұрлан Байділда Қазақстандағы әлеуметтік желілерде Абайды ұлы адам деп санамаймын деген мәлімдемесімен танымал болған.