Тараздағы көпқабатты тұрғын үйде газ жарылысы болды, деп хабарлайды Zakon.kz.
Оқиға орнында өрт сөндірушілер, құтқарушылар мен дәрігерлер жұмыс істеуде.
Әзірге белгілі болғандай, жарылыс екінші қабатта орналасқан пәтерде орын алған.
"Сағат 6:21-де 9 ықшамаудандағы №62-ші алты подъездік тұрғын үйде жарылыс болды деген хабар түсті. Үйде 90 пәтер бар. Үйдің 1-3 қабаттары құлап кетті. 300 адамды №41 мектеп ғимаратына көшірдік. Оқиға орнына шұғыл қызметтердің бәрі келді, психологтер жұмыс істеп жатыр, байланыс үшін 8 (7262) 51-35-75 шұғыл желі ашылды", – деп хабарлады облысты ТЖ департаментінің баспасөз хатшысы Сәуле Мұнатаева.
фото: zellotaraz