Астаналық "Барыс" хоккей клубы 28 ақпанда өз айдынында Құрлықтық хоккей лигасының плей-офф кезеңіндегі екінші ойында Нижний Новгородтың "Торпедосын" қабылдады, деп хабарлайды Zakon.kz.
Алдымен өз қақпасына қатарынан 4 шайба жіберіп алған "Барыс" ойыншылары негізгі уақыт аяқталуға 1 минут қалғанда есепті теңестіріп, ойынды овертаймға аударды. Антон Сагадаеев 29-шы минутта, Дмитрий Шевченко 33-ші минутта, Даррен Диц 55-ші және Мэтт Фрэттин 59-шы минутта шайба соқты.
Овертаймда үлкен басымдық байқатқан "Барыс" жеңіске жетті, тең құрамда шабуылшы Роман Старченко жеңіс голын салды.