Біздің Астанамыз біздің президентіміздің есімімен, Нұрсұлтан деп аталуы тиіс. Тіпті Қазақстандағы облыстық қалалардағы барлық орталық көшелерге Назарбаевтың есімі берілуі керек, деп санаймын, – деді бүгін Қазақстанның жаңа мемлекет басшысы Қасым-Жомарт Тоқаев Мәжілістегі ант беру рәсімінде, деп хабарлайды Zakon.kz.
Елбасыға құрметті сенатор мәртебесін беруді ұсынамын. Президенттің барлық портреттері мемлекеттік қызметкерлердің қызметтік бөлмелерінде, оқу орындарында атрибут ретінде қала береді. Заң бойынша, барлық қызметтік инфрақұрылым Елбасының иелігінде қалады, - деді Тоқаев.
Тоқаев Қазақстанда биліктің тыныш, бейбіт жағдайда ауысып отырғанына жоғары мән береді.
ҚР Тұңғыш Президентінің құрметіне мемлекетіміздің астанасында монумент орнатуды ұсынамын. Стратегиялық шешімдер қабылдауда Елбасының беделді пікіріне басым мән беріледі. Біз билікті тыныш, бейбіт жағдайда ауыстырып отырмыз. Қазақстан халқының аса жоғары саяси мәдениеті осылай айшықталуда, деді жаңа мемлекет басшысы.