"Қазгидромет" РМК 5 сәуір күні болатын ерекше метеорологиялық құбылыстарға болжам жасады, деп хабарлайды Zakon.kz.
Қазақстанның басым бөлігінде атмосфералық фронттардың өтуіне байланысты жауын-шашын түсіп, солтүстік-шығыста және оңтүстіктің кей жерлерінде жаңбыр қатты жауады.Тек оңтүстік-батыста жауын-шашынсыз ауа райы күтіледі. Республиканың кей жерлерінде тұман, желдің күшеюі сақталады, оңтүстік және оңтүстік-шығыста найзағай болып, бұршақ жаууы мүмкін, солтүстікте көктайғақ ықтимал.
Ақмола, Солтүстік Қазақстан, Павлодар облыстарының кей жерлерінде тұман, көктайғақ күтіледі, жел 15-20 м/с күшейеді.
Қызылорда, Маңғыстау, Батыс Қазақстан, Қостанай, Қарағанды облыстарында, түнде Атырау облысының кей жерлерінде тұман күтіледі, Қостанай, Қарағанды облыстарының кей жерлерінде жел 15-20 м/с күшейеді.
Түркістан, Жамбыл облыстарының кей жерлерінде найзағай,тұман күтіледі, күндіз бұршақ жаууы мүмкін, Түркістан облысының кей жерлерінде күндіз жел 15-20 м/с күшейеді.
Алматы облысының кей жерлерінде күндіз жел 15-20 м/с күшейеді.
Шығыс Қазақстан облысының кей жерлерінде жел 15-20 м/с күшейеді, күндіз кей жерлерінде найзағай болады.