Чемпиондар лигасының ¼ финалында қалған екі жұптың қарымта ойындары өтті, деп хабарлайды Zakon.kz.
"Манчестер Сити" өз алаңында 4:3 есебімен "Тоттенхэмнен" басым түссе де, жарыстан шығып қалды. Қос команда кездесуді аса қарқынды бастап, 21 минуттың ішінде бес гол соғылды. Бірінші кездесуде өз алаңында 1:0 есебімен жеңіс рәсімдеген "Тоттенхэм" екі кездесу қорытындысы бойынша, сырт алаңдағы добының арқасында жарысты ары қарай жалғастырады.
Ал "Порту" өз алаңында "Ливерпульден" ірі есеппен ұтылды – 1:4. Бірінші ойында "Ливерпуль" 2:0 есебімен ұтқан болатын. Осылайша қорытынды есеп 6:1 болды.
Енді Чемпиондар лигасының жарыс жолында төрт клуб қалды: "Аякс", "Барселона", "Тоттенхэм" және "Ливерпуль".