Ішкі істер министрі Ерлан Тұрғымбаев Нұр-Сұлтан қаласы Полиция департаментінің жаңа бастығын таныстырды, деп хабарлайды Zakon.kz.
– Президент әкімшілігінің мақұлдауымен Нұр-Сұлтан қаласы Полиция департаментінің жаңа бастығы болып Саденов Ержан Сапарбекұлы тағайындалды, – деп хабарлады ҚР ІІМ баспасөз қызметі.
Жаңа бастықты жеке құрамға министр Ержан Тұрғымбаев пен қала әкімі Бақыт Сұлтанов таныстырды.
Астаналық полиция бастығы қызметіне келген Саденов Марат Қожаевтың орнын басты.
Ержан Саденов 1968 жылы Шығыс Қазақстан облысында дүниеге келген. С.Аманжолов атындағы Шығыс Қазақстан мемлекеттік университетін бітірген, ҚР ҰҚК-нің Қарағандыдағы жоғары мектебін тәмамдаған.
Ішкі істер органдарында 1993 жылдан бері жұмыс істеп келеді. Басшылық қызметтерде тәжірибесі бар.
2016 жылдың маусымынан бері Ақмола облыстық полиция департаментінде бастық болған.