Қазақстан Президенті Қасым-Жомарт Тоқаев Семей өңірінің жұртшылығымен кездесуінде мемлекетімізде салынуы мүмкін АЭС құрылысына қатысты пікір білдірді, деп хабарлайды Zakon.kz.
Ол атом электр станциясын салу мәселесі қоғамда қызу талқыға түсіп жатқанын айтты.
- Атом электр станциясын салу мәселесі қоғамда қызу талқыға түсіп, пікірталас туындап отыр. Бұл - күрделі мәселе. 2030 жылы Қазақстанда электр энергиясының жетіспеушілігі байқалуы мүмкін. Сондықтан, осы мәселені қазір шешуіміз қажет, - деді Тоқаев.
Ол дегенмен көпшіліктің пікірін ескермей, АЭС салу туралы шешім қабылданбайтынын айтты.
- Бұл біздің бүкіл халықтың мүддесіне қатысты болғандықтан, өте күрделі мәселе, сондықтан оның пікірі назарға алынады. Соған қарай әрекет етеміз, - деді мемлекет басшысы.
- Ресей Президенті Владимир Путин ҚР Президенті Қасым-Жомарт Тоқаевтың Мәскеуге барған сапарында Қазақстанда атом электр станциясын салу туралы ұсыныс жасаған болатын. Бұл ұсыныс қазақстандықтар арасында өте үлкен талқыға түсті. Оған алдын ала Алматы облысындағы Үлкен ауылының маңынан орын белгіленді. Болжанып отырған барлық жобалардың мүмкіндіктері мен әлеуеттерін егжей-тегжейлі зерттеп болған соң ғана электр қуатын шығаратын технологиялардың Қазақстан үшін ең тиімді әрі қолайлысы нақтыланатын болады, - деп хабарлады Энергетика министрлігі.