Индонезия президенті Джоко Видодо ел астанасын Ява аралынан көшіруді шешті, деп хабарлайды РИА Новости Рейтер агенттігіне сілтеме жасап.
– "Президент ел астанасын Ява аралынан көшіруді шешті, бұл өте маңызды шешім", – деп атап өтті Индонезияның жоспарлау және даму министрі Бамбанга Броджонегоро кабинет отырысынан кейінгі баспасөз жиынында.
Оның сөзінше, жаңа астана әлі таңдалған жоқ, ал астананы көшіруге он жылға дейін уақыт кетуі мүмкін.
Джакарта – ерекше мәртебелі астаналық аймақ және Индонезияның ең ірі қаласы. Ява аралының солтүстік-шығыс жағалауында орналасқан. Халқының саны – 9 607 787 адам (2010 жылғы санақ бойынша). Халық тығыздығы әр шаршы шақырымға 14 469,56 адам. Халқының діні: 85,5% – мұсылмандар, 5,2% – протестанттар, 4,8% – католиктер, 3,5% – буддистер, 1% – индуистер.