Синоптиктер 3 мамыр күні болатын ерекше метеорологиялық құбылыстарға болжам жасады, деп хабарлайды Zakon.kz "Қазгидромет" РМК сілтеме жасап.
Қазақстанның басым бөлігі антициклонның ықпалында болады, осыған байланысты ауа райы жауын-шашынсыз, тек республиканың батыс, шығыс және оңтүстік-шығыс аудандарында атмосфералық фронтальды бөліктердің өтуіне байланысты, жауын-шашын сақталады. Кей жерлерде тұман, желдің күшеюі, дауыл, шаңды дауыл күтіледі, бұршақ жаууы мүмкін.
Жамбыл облысының кей жерлерінде тұман күтіледі, кей жерлерінде жел 15-20, күндіз екпіні 23 м/с күшейеді.
Атырау облысының басым бөлігінде шаңды дауыл күтіліп, жел 17-22 м/с, күндіз екпіні 25 м/с күшейеді, Ақтөбе облысында жел, түнде кей жерлерінде, күндіз басым бөлігінде 15-20 м/с артып, күндіз кей жерлерде шаңды дауыл көтерілуі ықтимал.
Маңғыстау облысының кей жерлерінде 15-20 м/с күшейіп, шаңды дауыл күтіледі.
Қарағанды облысының кей жерлерінде тұман, бұршақ жаууы мүмкін, жел 15-20 м/с күшейеді.
Алматы облысының кей жерлерінде жел 15-20 м/с күшейіп, түнде және таңертең кей жерлерде тұман түседі.
Қостанай облысында түнде және таңертең кей жерлерде тұман күтіледі, күндіз кей жерлерінде жел 15-20 м/с күшейеді, Батыс Қазақстан облысында күндіз, Түркістан, Қызылорда, Солтүстік Қазақстан облыстарында жел 15-20 м/с артуы мүмкін.
Түнде және таңертең Шығыс Қазақстан облысының кей жерлерінде тұман түседі.