Орталық сайлау комиссиясы Сайлауды байқау жөніндегі ЕҚЫҰ/ДИАҚБ Миссиясының құрамына 22 байқаушыны аккредиттеді. Бұл туралы ОСК мүшесі Зәуреш Баймолдина хабарлады, деп жазады Zakon.kz.
Байқаушылардың барлығы Сыртқы істер министрлігінің ұсынсы бойынша аккредиттелінді.
- Қазақстан Республикасы Сыртқы істер министрлігінің ұсынуы бойынша Сайлауды байқау жөніндегі ЕҚЫҰ/ДИАҚБ Миссиясының құрамында 22 байқаушы аккредиттелді. Аккредиттеуге ұсынымдардың келіп түсуіне қарай байқаушылар жөніндегі деректер жаңартылады. Сонымен, бүгінгі таңда 67 халықаралық байқаушы аккредиттелді, - деді Баймолдина.
Шет мемлекеттер мен халықаралық ұйымдардың байқаушыларын аккредиттеуді Ортсайлауком 2019 жылғы 3 маусым күнгі сағат 18.00-ге дейін жүзеге асырады.