Тегеранның бұрынғы мэрі Мохаммад Али Наджафи әйелін өлтіргенін мойындады. Бұл туралы Fars агенттігіне сілтеме жасаған РИА Новости жазады.
– Наджафи әйелін өлтіргенін мойындады, оған отбасындағы кикілжіңдер себеп болған деп түсіндірді, – деді агенттікке прокуратура өкілі Мохаммад Шарияри.
Оның сөзінше, бұрынғы мэр полицияға өзі келген.
Бұдан бұрын Иран баспасөзінде бұрынғы мэр және бұрынғы президент кеңесшісінің әйелі Тегеранның солтүстігіндегі элиталық аудандағы үйлердің бірінде атып өлтірілгені туралы ақпарат пайда болған.