Нұр-Сұлтан уақытымен 9 маусымда өтетін Геннадий Головкин мен Стив Роллс арасындағы жекпе-жек астанадағы барлық сайлау учаскелерінде көрсетіледі. Бұл туралы Нұр-Сұлтан әкімінің орынбасары Ерлан Каналимов айтты, деп хабарлайды Zakon.kz BNews.kz тілшісіне сілтеме жасап.
- Бәріміз көптен күтіп жүрген Геннадий Головкиннің жекпе-жегі таңғы 7:00-ден бастап 10:00-ге дейін өтетінін ескеріп, біз барлық учаскелерде дауыс беру залынан бөлек бөлмелер ұйымдастырып, онда азаматтар үшін жекпе-жектің тікелей эфирін ұйымдастырамыз, - деді Ерлан Каналимов.
Ол Нұр-Сұлтан әкімінің шешімімен 9 маусым күні қалада қоғамдық көліктерде жол жүру тегін болатынын да еске салды.
