Қазақстан Президенті Қасым-Жомарт Тоқаев Жамбыл облысына сапары барысында батырдың отбасы тұрып жатқан үйге барды, деп хабарлайды Zakon.kz Ақордаға сілтеме жасап.
Қазақстан Президентіне қызмет барысында ерлікпен қаза тапқан Ғазиз Байтасовтың құрметіне қойылған ескерткіш тақта, оның фотосуреттері, медальдары мен жеке заттары көрсетілді.
Қасым-Жомарт Тоқаев Халық қаһарманының жұбайымен және ұлдарымен әңгімелесу барысында Ғазиз Байтасовтың өте жауапты әрі қиын сәтте өз ісіне адал болғанын, оның ерлігі ешқашан ұмытылмайтынын атап өтті.