Жамбыл облысының әкімі Асқар Мырзахметов Арыс қаласындағы жарылыс салдарынан зардап шеккен тұрғындарға көмек ретінде бір күндік айлық жалақысын аударды.
Сондай-ақ, оның орынбасарлары мен департамент, басқарма басшылары да айлық жалақыларын арыстықтарға аударды. Сондай-ақ, өзге де мемлекеттік қызметшілер ерікті түрде арыстықтарға ақша аударуға ұсыныс айтылды. Сондай-ақ дүмпуден дүрлігіп Таразға жеткен арыстықтарға барлық қолдау көрсетілуде.
Жарылыстан бас сауғалап келген жұртпен облыс әкімі Асқар Мырзахметов арнайы кездесіп көпті сабырға шақырды. Орталық мешітте жайғасқан елге арнайы жатақхана қарастырылды. Апаттан ауып келген 21 отбасы (108 адам, оның 69 ересек қалғаны балалар) жағдай бір жақты болғанша қалауынша тұрақтануларына болады. Қажет ас-су, медициналық көмек бәрі-бәрі тегін көрсетілмекші.
