1 шілдеде әлеуметтік желілер мен ақпарат агенттіктері арқылы Арыс қаласын тазалау кезінде жиналған оқ-дәрілердің видеосы кеңінен тараған. ҚР Қорғаныс министрлігі бұл видеоға қатысты өз түсінігін берді деп хабарлайды Zakon.kz.
"Үйілген оқ-дәрі қалдықтарының бәрі қорғалған аумақта сақталып тұр әрі олар қолданылып қойған қарудың оқ-дәрісі, оның қалдықтары болғандықтан қауіпті емес", делінген хабарламада.
Ресми хабарламада арнайы режимдегі нысанда түсірілген бұл видеоның заңға қайшы екені де айтылады. Осыған қатысты ҚР Қорғаныс минитсрлігі қызметтік тексеру бастаған.
