ҚР Бас прокуратурасы Данияр Ақышевқа қатысты қылмыстық іс қозғалғаны туралы пайда болған ақпаратқа түсінік берді, деп хабарлайды осы мекеменің баспасөз қызметіне сілтеме жасап, Zakon.kz.
"2019 жылдың 3 шілдедегі дерек бойынша, қылмыстық істерді тіркеуші бірыңғай тізімде ҚР Ұлттық банктің бұрынғы басшысы Данияр Ақышевқа қатысты қылмыстық құқықбұзушылық фактісі тіркелмеген" делінген хабарламада.
Алдында ҚР Тұңғыш Президентінің баспасөз хатшысы Айдос Үкібай Данияр Ақышевтың жұмыста отырғанын, оған қарсы ешқандай қылмыстық іс қозғалмағанын мәлім еткен.
Данияр Ақышев 2019 жылдың сәуір айынан бастап ҚР Тұңғыш Президентінің көмекшісі боп жұмыс істейді.
