Генерал Әбісатовтың қолы қойылған хат әлеуметтік желілерде, сондай-ақ Zakon.kz электронды поштасына кетіп түсті.
Махамбет Әбісатов ҚР Ішкі істер министрінің орынбасары қызметінен босатылған болатын. Соңғы айларда оның есімі Ақтөбе облысындағы Полиция департаментінің жиналысында түсірілген даулы видеоға байланысты жиі аталған. Сол кезде өңір полициясының бастығы болған Әбісатов қол астындағыларға боқтық сөздер қосып тұрып, қалай жұмыс істеу керектігін түсіндірген.
Ол видеодағы сөздер шынымен кімдікі екені белгісіз болғандықтан, Әбісатовтың хатының мәтінін келтіреміз.
YouTube-те тараған аудиороликтерге келсек, ол шынымен де менің сөздерім. Ол 2017 жылдың қарашасында үлкен жиналыста емес, шағын топтағы құпия жиында айтылған.
Заңсыз жазып алып, монтаждап, әлеуметтік желілерге біреу салып жіберген. "Құқық қорғау қызметі" туралы ҚР заңның 57 бабы, 10 тармағы бойынша тәртіптік жауапкершілікке тартуға заңды негіз жоқ. Бірақ ар мен парыз бар. Мен ешкімнің артына тығылмаймын. Сол себепті сол күні-ақ, биыл 1 маусымда отставка туралы арыз жаздым.
Полиция мен сияқты емес, онда мәдениеті жоғары адамдар аз емес. Полицияда 36 жыл жұмыс істедім. Өзімді ақтамаймын, бірақ осындай кәсіби келеңсіздіктердің болатынын өзгелерге ескерткім келеді. Менің аузымнан шыққан сөздер шамына тиген әрбір адамнан кешірім сұраймын.
Аудиороликтерді Ақтөбеге қатысы жол адамдар монтаждаған. Кім екені белгілі. Мен енді баспасөз үшін қызық тұлға емеспін. Адам ретінде енді өзімнің мәдениетімді арттыруға күш салып, өз елімнің азаматы, патриоты болып қала беремін, еліміздің игілігі үшін жұмыс істей беремін.
Махамбет Әбісатов