"Қазақтың ұлт мәйегіне айналған Түркістан қаласы әкімі үндінің бояу шашарын тойлайтындай не көрінген", деп күйініп кетті желіде шымкенттік белгілі блогер Сая Қасымбек.
Әкімдіктің түбіндегі Қожа Ахмет мешітінде үйіліп жатқан әруақтардан именбегені ме? Шөкеев мырза бұнысына не дер екен, деп жазады ол.
Пост астындағы комменттерге қарап түсінгеніміз, бұл негізі өте дұрыс емес дүние екенін бәрі біледі, түсінеді. Бірақ әкімдікте жоспары құрылып, ақшасы бөлініп қойған нәрсені олар бұза алмайды екен.
Шолпан Мамбетаева жазғандай, әкімнің парақшасына қаншама адамдар айтып, түсіндіріп өтті.
Түркістанның білім саласында жұмыс істейтіндер өз парақшаларына бұл фестивальдің өтпеуіне қарсы екендерін жазып отыр. Кейбір адамдар бізге қарсы пікір айтып, жеңістік бермей, өз ойларын айтып, қолдау білдіріп отыр, дейді ол.