ҚР Ұлттық банкінің төрағасы Ерболат Досаев теңге бағамының ауытқып тұрған жағдайының себебін түсіндірді, деп хабарлайды Zakon.kz.
Оның айтуынша, ішкі валюта нарығындағы жағдай "негізінен сыртқы факторлардың ықпалына" байланысты болып тұр.
- 12 тамыздағы жағдай бойынша бір доллардың бағамы 387,48 теңгені құрады, жыл басынан бері теңге 0,9% әлсіреді. Сыртқы сектордағы ахуал тұрақсыз, мұнай бағалары айтарлықтай құбылуда. 31 шілдеден 7 тамызға дейін бір апта ішінде АҚШ президенті Қытайдан келетін тауарларға баж салығын енгізгеннен кейін әлемдік мұнай бағасы барреліне 65,2 доллардан 56,2 долларға дейін күрт төмендеді, - деді Досаев.
Сонымен бірге, Ұлттық Банк инфляцияның жеделдеуі қаупі жоғарылаған жағдайда, 2019 жылдың соңына дейін ақша-кредит саясатын қатаңдату мүмкіндігін жоққа шығармайды.